Kompüter Tomoqrafiya

Kompüter tomoqrafiyası (KT)– Rentgen şüalarından istifadə etməklə orqan və toxumaların 2 və ya 3 ölçülü görüntülərinin alındığı müayinə üsuludur. KT sümük toxumasına daha həssas olduğuna görə yumşaq toxumaları göstərməkdə MRT-dən geri qalır. KT müayinəsinin ən çox istifadə olunduğu xəstəlik və hallar aşağıda sıralanmışdır:

• Beyin qanaması və onun növünün aşkarlanmasında,
• Onurğa sütununun və kəllə sümüklərinin qırıq, çıxıq və yerdəyişməsinin müəyyənləşdirilməsində,
• Bəzi beyin şişlərinin aşkarlanmasında,
• Hidrosefaliyalı xəstələrdə beyin mədəciklərinin və şuntun yerinin qiymətləndirilməsi,
• Beyin şişinə görə radioterapiya alacaq xəstələrdə planlama,
• Onurğada kanal daralmasının qiymətləndirilməsi məqsədi ilə və s.

KT müayinəsi, çəkilişin qısa müddətli olması, sümük toxumasına həssaslığı kimi üstünlükləri olsa da, xəstələrin yüksək radiasiyaya məruz qalması ən böyük çatışmazlığıdır.